Kryetari i Komunës së Podujevës, Shpejtim Bulliqi bashkë me Ministrin e Mjedisit, Planifikimit Hapësinor dhe Infrastrukturës, Liburn Aliu kanë nënshkruar sot memorandum bashkëpunimin në vlerë mbi 1 milionë euro.

Në këtë takim të pranishëm ishin edhe zëvendësministri i MMPHI, Hysen Durmishi dhe drejtorë të ekzekutivit komunal ndërsa memorandumi përfshinë ndërtimin e katër rrugëve në Podujevë, përcjell Arbresh.info.

“Ky memorandum bashkëpunimi përfshinë:
♦️Rikonstruimi dhe rehabilitimi i rrugës “Dëshmorët Babatinca” në vlerë prej 537 mijë euro.
♦️Ndërtimi dhe asfaltimi i rrugës lidhëse Sfeçël-Dumosh në vlerë prej 159 mijë euro.
♦️Ndërtimi dhe asfaltimi i rrugës lidhëse Bradash-Dobratin në vlerë financiare 155,500.00 euro.
♦️Ndërtimi dhe asfaltimi i rrugës lidhëse nga gurthyesi deri në rrugën Sahit Llalloshi, në vlerë prej 185,150.00 euro”, thuhet në njoftim.

Ndërsa, pas nënshkrimit të marrëveshjes, Bulliqi bashkë me Ministrin Aliu dhe Zëvëndësministrin Durmishi vizituan nga afër punimet që po realizohen në teren dhe ato që do të realizohen në bashkëpinim me MMPHI./Arbresh.info